Gazeta "Bota sot" mbrëmë ka raportuar se një sulm ka ndodhur në familjen e ish kryeministrit Ramush Haradinaj.
Burime nga urgjenca e qytetit thonë për "Bota sot" se kanë pranuar një rast të dhunës familjare.
Nga vendi i ngjarjes kanë kuptuar se ky rast ka ndodhur në familjen e Ramush Haradinajt. E dëmtuara në këtë sulm ka qenë bashkëshortja e tij Anita.
Lexo edhe: Ramushi sulmon Anitën, kjo e fundit përfundon në shërbimet e urgjencës
Të njëjtat burime thonë se fillimisht Haradinaj nuk i ka pranuar në shtëpinë e tij gjithë stafin e mjekëve, ndërsa në fund i ka lejuar vetëm dy prej tyre, për ta mjekuar Anitën.
Të njëjtit staf mjekësor ndonëse e kanë pranuar rastin të ketë ndodhur, nuk janë në gjendje për të dalë publikisht, pasi thonë se ndihen të rrezikuar.
Pas këtij raportimi të ‘Bota sot”, Anita ka reaguar vetëm sot, për ta mohuar rastin.
Raste të ngjashme të dhunës në këtë familje janë përmendur disa herë.
Ndërkaq, ditët e fundit është përmendur edhe një rast i dhunës nga familja Haradinaj. Në këtë rast të publikuar nga mediat, thuhet se Ramush e Daut Haradinaj, para rreth tre muajve janë denoncuar në polici për “rrahjen e një punëtori të tyre”. Këtë rast e ka konfirmuar edhe Policia e Kosovës. Por pas dy javësh ankuesi ka shkuar në stacion policor dhe ka kërkuar që rasti të mbyllet.
