Ish ministrja e Drejtësisë, Albulena Haxhiu, ka thënë se kryeministri i Kosovës, Avdullah Hoti është i përshtatshëm për t'i bërë trysni për Asociacionin e komunave serbe në Kosovë.
Po ashtu, ajo në postimin e saj në Facebook, ka cekur se Asociacionin e ka nënshkruar Isa Mustafa në vitin 2015.
“Vetëm qeverisë së LVV nuk mund t'ia kërkojnë Asociacionin, meqenëse ne e kemi kundërshtuar edhe në vitin 2013 por edhe në vitin 2015”, ka shkruar Haxhiu në Facebook.
Postimi i plotë:
Vetëm qeverisë së LVV nuk mund t'ia kërkojnë Asociacionin, meqenëse ne e kemi kundërshtuar edhe në vitin 2013 por edhe në vitin 2015. Hoti është tejet i përshtatshëm për t'i bërë trysni pasi që është asistent i Isa Mustafës, nënshkruesit të 'Zajednices' me 25 gusht 2015, në dokumentin ku kërkohej vetëm parafimi.