Të shtunën në mbrëmje është sulmuar vetura e gazetarit Shkumbin Kajtazi. Dikush ka shtënë me armë zjarri në drejtim të veturës së Kajtazit.
Ndaj këtij sulmi ka reaguar edhe gazetari dhe analisti politik, Imer Mushkolaj i cili tha se ky veprim është i papranueshëm dhe i frikshëm.
"Mosndëshkueshmëria e krimit nga organet përkatëse trimëron të gjithë ata që zgjedhin të ndërmarrin të tilla veprime që rrezikojnë jetën e gazetarëve, si të Shkumbinit në këtë rast", tha Mushkolaj, përcjell "Bota sot".
Postimi i plotë
I papranueshëm dhe i frikshëm sulmi me armë mbi veturën e gazetarit Shkumbin Kajtazi në Mitrovicë. Mosndëshkueshmëria e krimit nga organet përkatëse trimëron të gjithë ata që zgjedhin të ndërmarrin të tilla veprime që rrezikojnë jetën e gazetarëve, si të Shkumbinit në këtë rast.