Kryetari i Mitrovisës , Agim Bahtiri, përmës një postimi në Facebook ka reaguar në lidhje më rastin e sulmit të mbrëmshëm me armë zjarri ndaj gazetarit, Shkumbin Kajtazit, përcjell "Bota Sot".
Ai ka shtuar se sulmi ndaj gazetarit është i papranueshëm, si kryetar i komunës apeloj te organet e drejtësise që këdo që ka gisht në sulm, t'ia japin dënimin e merituar
Postimi i plotë:
Sulmi me armë zjarri ndaj gazetarit Shkumbin Kajtazi është i papranueshëm dhe i denueshëm. Ky është sulm ndaj fjalës së lirë dhe nuk është sulm vetëm ndaj tij, por ndaj gjithë komunitetit të gazetarëve në punën e tyre fisnike që e bëjnë.
Si kryetar i komunës dhe si mitrovicas, e dënoj fuqishëm këtë akt të tmerrshëm. Apeloj te organet e rendit dhe të drejtësisë që këdo që e ka kryer dhe ka gisht në sulm, ta përballin me forcën e ligjit dhe t'i japin denimin e merituar.
Duke qenë se brenda pak muajsh është sulmi i dytë, pasi që herën e parë kanë tentuar t'ia djegin veturën, i lus që rastin ta trajtojnë me prioritet të lartë.
AB
