Ministri i Shëndetësisë, Armend Zemaj, përmes një postimi në Facebook ka bërë të ditur se sot ka vizituar Qendrën Korrektuese dhe Edukative në Lipjan, kjo vizitë është zhvlliuar për të përcjell mesazhin e kujdesit të Ministrisë së Shëndetësisë për të gjithë, përcjell “Bota sot”.
Më tej ka shtuar se Ministria e Shëndetësisë është e përkushtuar të mbështesë shërbimet shëndetësore në burgje për të garantuar trajtim të barabartë me qytetarët tjerë të vendit.
Postimi i plotë:
Vizita në Qendrën Korrektuese dhe Edukative në Lipjan, takimi me drejtorin e Burgjeve të Kosovës, Nehat Thaçin, dhe Drejtorin e Shëndetësisë në Burgje, Milazim Gjocin, është zhvilluar për të përcjell mesazhin e kujdesit të Ministrisë së Shëndetësisë për të gjithë, në të gjitha institucionet e vendit.
Përkujdesja shëndetësore në qendrat korrektuese, në kohë pandemie, është mjaft sfiduese. Por, duke iu falënderuar zbatimit të plotë masave për pengimin dhe luftimin e pandemisë Covid 19, nga ana e punonjësve të Shërbimit Korrektues në bashkëpunim dhe mirëkuptim të familjarëve të të burgosurve, infektimet janë shumë të vogla.
Uroj që masat e ndërmarra në pajtim me situatën, do të ruajnë dhe mbrojnë edhe më tej të gjithë të burgosurit, në veçanti gratë dhe të miturit.
Parandalimi i infektimit është rruga më e mirë për ta mundur virusin e rrezikshëm.
Ministria e Shëndetësisë është e përkushtuar të mbështesë shërbimet shëndetësore në burgje për të garantuar trajtim të barabartë me qytetarët tjerë të vendit.
Bashkë ia dalim!
