Profesori Muhamet Hamiti ka folur rreth deklaratave të kryetarit të VV’së për zgjedhjet në SHBA. Ditë më parë ish-kryeministri u bëri thirrje shqiptarëve që jetojnë në Amerikë që të votojnë për kandidatin demokrat për president, Joe Biden.
“Nuk luan kurrfarë roli pozicionimi i kujtdo prej politikanëve shqiptarë në Prishtinë dhe Tiranë për njërin apo kampin tjetër. Kurrfarë roli s’luan’, tha Hamiti.
Ai ka përmendur se pozicionimi i Kurtit për kandidatin demokrat, nuk është rast i paprecedent.
“Reagimi më skandaloz ishte para katër vjetësh i Edi Ramës. Sepse ai e pati quajtur ‘turpi i civilizimit tonë’. Le të ishte dhe ashtu në mendjen e tij por një protagonist i rëndësishëm politik, këtë punë s’duhet ta bëjë sepse s’i takon. Peshë nuk çon hiq”, shpjegoi Hamiti.
“Edhe Thaçi u pat rreshtuar por ka qenë rreshtim më i butë”, shtoi ai.
