Analisti politik, Skender Zogaj, duke folur rreth shkarkimeve të fundit nga Qeveria Hoti, thotë se funksionimi i qeverive që nga zanafilla e pasluftës në Kosovë është nisur keq, sepse, të gjitha qeveritë funksionimin e kanë bazuar duke grumbulluar partiakët e vet militantë.
“Kështu kanë vepruar për të qenë sa më tē forta në realizimin e aspiratave të tyre, edhe përtej programeve të proklamuara! Kjo logjikë e veprimit ka shkaktuar pasoja të rënda në administrimin shtetëror, sepse, me ndërrimet e shpeshta të qeverive, janë shoqëruar edhe me ndryshime të mëdha e të pa justifikueshme kuadrovike, qē e kanë dëmtuar rëndë profilizimin profesional dhe forcën e funksionimit tē institucioneve shtetërore”, thekson Zogaj.
Sipas tij, logjika e qeverisjes me militantët partiakë, nuk ka dyshim se ështē dukuri e shëmtuar, shumë e rrezikshme që duhet të flaket njëherë e përgjithmonë.
