Rudari: Do të fitojmë pa balotazh

Aktuale

Rudari: Do të fitojmë pa balotazh

Më: 20 tetor 2020 Në ora: 18:18
Nexhmi Rudari

Kandidati i Lidhjes Demokratike të Kosovës për Kryetar të Podujevës, Nexhmi Rudari, ka thënë se janë të gatshëm për zgjedhjet që do të mbahen më 29 nëntor.

Ai në një intervistë ka thënë se “jemi të gatshëm, të përgatitur… Besojmë se do të vazhdojmë të qeverisim me Podujevën sikur këto 20 vjet”.

Sa i përket kundër kandidateve, Shpejtim Bulliqit të Vetëvendosjes dhe Naim Fetahut të PDK-së, ai është shprehur “se nuk i sheh si rivalë në garën zgjedhore”.

“Asnjërin prej tyre nuk i shoh si kandidat serioz. Të dy kanë qenë aktivistë të LDK-së. Kanë menduar se do ta gjejnë vetën më mirë në subjektet tjera. Nuk ndihem i rrezikuar, jam shumë i sigurt se do të fitojmë pa balotazh”.

Rudari ka thënë se ndër projektet kryesore që di t’i realizojë në mandatin e ri janë përfundimi i sheshit të qytetit dhe kolektori i ujërave të zeza, si dhe ndriçimi publik.

commentFirst article
Sot mund të lexoni Shfletoni kopertinat