“Definicioni i marrëzisë është të bësh të njëjtën gjë përherë, duke pritur rezultate të ndryshme”.
Kësaj thënie iu referua sot deputetja e Vetëvendosjes, Mimoza Kusari-Lila duke përmendur emrin e shkencëtarit Albert Einstein e që është e gabuar.
Në ‘Google’ po të kërkosh një thënie të tillë në gjuhën angleze atëherë autor i saj nëpër faqet që shkëpusin pasazhe dhe pjesë të librave të ndryshëm e gjen me emrin e Albert Einstein, por nuk është e evidentuar se ai e ka thënë një gjë të tillë.
Shumë shpesh ndodhin gabime të tilla nga njerëzit tek i referohen thënieve të ndryshme, por burimi i thënies të cilën e ka përmendur Kusari-Lila është i paqartë.
Ajo shumë shpesh thuhet se daton shumë pas vdekjes së Einsten dhe ka dhjetëra-qindra teori mbi burimin e saj, por për një gjë pajtohen të gjithë studiuesit: Atë nuk e ka thënë Einstein.