Këshilltari i Behgjet Pacollit, Naim Murseli, ka thënë se nëse konfirmohet aktakuza ndaj presidentit të Kosovës, Hashim Thaçit pritet të ketë paqartësi politike.
Në postimin e tij në Facebook, Murseli ka shkruar se politikanët e Kosovës duhet të llogarisin në një mandat tjetër për Presidentin Trump.
“Kjo do të nënkuptojë edhe katër vjet izolim politik për Albin Kurtin nga aleati më i fortë i Kosovës”, ka shkruar ai në Facebook.
Postimi i plotë:
Paqartësitë politike priten në ditët në vijim për Kosovën. Konfirmimi i aktakuzës ndaj Presidentit Thaçi do të jetë shumë e rëndë për Kosovën. Ndërsa zgjedhjet e SH.B.A.-së po afrohen, politikanët e Kosovës duhet të llogarisin në një mandat tjetër për Presidentin Trump. Kjo do të nënkuptojë edhe katër vjet izolim politik për Albin Kurtin nga aleati më i fortë i Kosovës! Tani le të vazhdojmë të kërkojmë milionat e humbur nga thesari i shtetit...