Kreu i Lidhjes Demokratike të Kosovës, Isa Mustafa, përmes një shkrimi në Facebook, ka njoftuar se është takuar me kandidatin e LDK-së për kryetar të Komunës së Podujevës, Nexhmi Rudari, dhe Agim Veliun, kryetar i mëparshëm i Podujevës, tani Ministër i Punëve të Brendshme dhe Administratës Publike.
Ky takim vije, pasi zgjedhjet në Komunën e Podujevës mbahen më 29 nëntor.
Mustafa shprehet i bindur partia e tij pret një fitore të bindshme dhe të merituar.
Ja shkrimi i Mustafës:
Bashkëbisedim me Nexhmi Rudarin, kandidatin e LDK-së për kryetar të Komunës së Podujevës dhe Agim Veliun, kryetar i mëparshëm i Podujevës, tani Ministër i Punëve të Brendshme dhe Administratës Publike.
Në Podujevë po vazhdon një punë me përkushtim për qytetarët e kësaj komune. Rrjedhimisht, LDK pret një fitore të bindshme dhe të merituar të kandidatit të saj. IM
