Eksperti amerikan për Ballkanin, njëherit profesor, Alon Ben Meir, ka komentuar reagimet e bëra nga shqiptarët e Kosovës ndaj ambasadorit të Kosovës në Francë, Qëndrim Gashit.
Ben-Meir deklaroi se këto reagime treguan se shoqëria e Kosovës po ndikohet nga islami radikal. Ai kritikoi edhe Qeverinë e Kosovës për heshtjen e saj ndaj këtij sulmi ndaj ambasadorit Gashi.
"Heshtja e qeverisë është e tmerrshme pasi ajo nuk arriti të mbështesë ambasadorin e saj. Kjo nuk është përshtypja që qeveria duhet të krijojë, veçanërisht ajo që kërkon të bëhet anëtare e BE", deklaroi Ben-Meir, përcjell "Bota sot".
Postimi i plotë
Ambasadori i Kosovës në Francë Qëndrim Gashi ka qenë në shënjestër të një grupi të madh të shqiptarëve të Kosovës për dënimin e vrasjes brutale të një mësuesi frëngjisht duke shpërndarë një artikull që thjesht raportonte për këtë sulm terrorist. Ky është një manifestim i qartë se shoqëria e Kosovës po i lejon vetes të ndikohet padrejtësisht nga Islami radikal. Heshtja e qeverisë është e tmerrshme pasi ajo nuk arriti të mbështesë ambasadorin e saj. Kjo nuk është përshtypja që qeveria duhet të krijojë, veçanërisht ajo që kërkon të bëhet anëtare e BE.
