​Likaj kërkon angazhimin e të gjithëve për të mbajtur në jetë skenarin A në shkolla

Aktuale

​Likaj kërkon angazhimin e të gjithëve për të mbajtur në jetë skenarin A në shkolla

Më: 1 nëntor 2020 Në ora: 08:31
Foto ilustrim

Ministri i Arsimit dhe Shkencës, Ramë Likaj, u ka bërë thirrje nxënësve, prindërve, mësimdhënësve dhe stafit të shkollave, që të respektojnë me përpikëri masat e rekomanduara nga MSh dhe IKShPK.

Përmes një statusi në Facebook, Likaj ka thënë se asnjë skenar tjetër nuk e zëvendëson pjesëmarrjen në shkollë.

Prandaj, ka kërkuar që të punojnë të gjithë së bashku që të mbajnë në jetë skenarin A.

Ky është statusi i tij i plotë:

Rastet me COVID-19 po rriten përditë!

Ju bëjmë thirrje nxënësve, prindërve, mësimdhënësve dhe stafit të shkollave, që të respektojnë me përpikëri masat e rekomanduara nga MSh dhe IKShPK.

Asnjë skenar tjetër nuk e zëvendëson pjesëmarrjen në shkollë. Prandaj, të punojmë të gjithë së bashku që të mbajmë në jetë skenarin A (mësim me pjesëmarrje në shkollë).

Falënderoj të gjithë nxënësit, prindërit, mësimdhënësit, taskforcat, DKA-të, Kolegjiumin e DKA-ve, Asociacionin e Komunave, Ministrinë e Shëndetësisë, IKShPK, Policinë e Kosovës, SBAShK-un, inspektoratet përkatëse dhe të gjithë që po na ndihmojnë që ta kalojmë sa më lehtë këtë situatë pandemike.

#MaskëHigjienëDistanë

#ArsimimNëShkollë

commentFirst article
Sot mund të lexoni Shfletoni kopertinat