Aktori nga Kosova, Shkumbin Istrefi i njohur për publikun me emrin artistik “Feka”, ka reaguar ndaj thirrjes për protestë të veteranëve kundër Gjykatës Speciale.
Sipas tij, në këtë protestë duhet të kërkohet për zbardhjen dhe dënimin e autorëve të të gjitha krimeve që kanë ndodhur në Kosovë dhe jo kundër Gjykatës Speciale.
Ai ka shkruar disa çështje për të cilat duhet të kërkohet sqarim.
Shkrimi i plotë:
Protesta gjithëpopullore e thirrur nga veteranet duhet të kërkojë zbardhjen dhe dënimin e autorëve të të gjitha krimeve që kanë ndodhur në Kosovë, e jo kundër Gjykatës Speciale (edhe pse është krijuar si një etnike që është absurd), sepse kështu kërkojmë të bëhet kompromis dhe pazar me drejtësinë.
Debati duhet te orientohet ne cështjet:
1. Pse nuk janë hetuar, zbardhur dhe dënuar autoret e masakrave ne Kosovë?
2. Dhunimet?
3. Vrasjet e civileve?
4. Plaçkitjet, djegiet?
5. Kush apo cka na ka ndalur te hetohen këto ceshtje qe 20 vjet?
6. Kush është përgjegjës per zvarritjen apo heqjen nga prioriteti te këtyre ceshtjeve?
7. A eshte tentuar te behet pazar me ceshtjet e tilla dhe tash ndihemi "te tradhetuar"?
8. Pse nuk eshte protestuar ne vazhdimësi për këto ceshtje?
9. Pse eshte pranuar qe Gjykata te jete selektive ne trajtimin e krimeve?
10. Pse nuk e kemi bere vet kete Gjykate por kemi pritur 20 vjet?