Analisti dhe njohësi i zhvillimeve politikë në vend, Nexhat Haziri, përmes një postimi në facebook ka reaguar pas aktakuzave të ngritura nga Gjykata Speciale.
“UÇK-ja nuk ishte një ndërmarrje e përbashkët kriminale, por të akuzuarit së bashku edhe më të tjerët, pas lufte vepruan si ndërmarrje e përbashkët kriminale, në këtë kohë kur UÇK-ja nuk ekzistonte pasi ajo ishte transformuar në një organizatë të re të quajtur TMK. Edhe pse nuk mund të përjashtohet abuzimi i të akuzuarëve me autoritetine tyre si pjesë e hierarkia komanduese të UÇK-së edhe gjatë periudhës së luftës, prapë se prapë kjo duhet të shihet, hetohet e të gjykohet vetëm si përgjegjësi individuale”, ka shkruar Haziri, përcjellë “Bota sot”.
E kjo ka nxitur reagimin e Beriane Mustafës, vajza e Xhemajl Mustafës I vrarë pasluftës në Kosovë, vrasje kjo e cila ende ka mbetur e pa zbuluar.
“Edhe si e tille po trajtohet. Po i ka rroke histeria kolektive e na myten me folk patriotizem”, ka shkruar Beriane Mustafa duke komentuar në postimin e Hazirit.
Kujtojmë se ish bashkëpunëtori i ngushtë i Ibrahim Rugovës, dhe ish kolumnisti i gazetës “Bota sot”, Xhemajl Mustafa u vra mizorisht më 23 nëntor të vitit 2000, në hyrje të banesës së tij në Prishtinë.
