Më 29 nëntor do të zhvillohen zgjedhjet në Komunën e Podujevës. E garë e ashpër pritet të zhvillohet mes LDK-së dhe Vetëvendosjes, ku do të përballen Nexhmi Rudari dhe Shpejtim Bulliqi.
E lideri i Vetëvendosjes, Albin Kurti, ditëve të fundit është parë në Podujevë, duke i dhënë mbështetje Shpejtim Bullitiqit.
Këto veprime të Kurtit po kritikohen nga ana e LDK-së. Krejt kjo për shkak të numrit të madh të rasteve ditore me koronavirus jo vetëm në Podujevë, por në gjithë Kosovën.
Ka qenë drejtori komunal, Vezir Jonuzi, ai i cili ka publikuar pamjet ku shihet Albin Kurti dhe Shpejtim Bulliqi në një ambient në Podujevë, ku nuk respektohet fare distanca sociale dhe shihen persona pa maska.
“Çmenduria e Albin Kurtit dhe vartësve të tij nuk ka të ndalur!!! Në kohë pandemie, kur numri i rasteve të infektuarve me Covid-19 në Komunën e Podujevës po rritet çdo ditë në shifra alarmuese, kur institucionet përgjegjëse të shëndetësisë kanë marrë vendime për t’i ndaluar takimet me më shumë se pesë persona, mjeranët po rrezikojnë shëndetin e qytetarëve, madje edhe të fëmijëve, duke organizuar tubime në të cilat nuk respektohet asnjë masë mbrojtëse. Nuk e meritojnë besimin ata që nuk e kursejnë as shëndetin e qytetarëve vetëm për ta tentuar pushtetin”, ka shkruar Jonuzi, përcjellë “Bota sot”.
