E shtuna e 14 nëntorit do të jetë gjithmonë ditë dhimbje e zie për familjen Aliaj nga Istogu.
Mëngjesin e kësaj dite vjeshte humbi jetën i riu 28 vjeçar nga kjo familje, Labinot Aliaj.
Labi ishte djalë shembull, i edukuar dhe shumë punëtor.
Ai ishte edhe asamblist i PDK-së në Komunën e Istogut.
Për vdekjen e tij kanë shprehur ngushëllime politikanë të shumtë e shoqëria që ka pasur ai.
E në nderim të jetës së tij, në ora 17 në oborrin e Komunës së Istogut janë ndezur qirinj, ku kanë qenë të pranishëm shumë qytetarë, familjarë e deputetë.
Të pranishëm ishin deputetët Bekë Berisha, Ganimete Musliu, Ilir Ferati dhe Ariana Musliu-Shoshi.
Deputetja e PDK-së, Ganimete Musliu para qytetarëve tha se Labi do të na mungojë të gjithëve, si djalë shembullor e aktivist i palodhshëm.
Për nder të jetës së tij u mbajt një minutë heshtje./BS/