(E plotësuar 09:44) - Policia e Kosovës ka dhënë detaje lidhur me shkatërrimin e banerëit “Liria ka emër” gjatë ditës së sotme në Graçanicë.
Zëdhënësja e policisë për rajonin e Prishtinës, Flora Ahmeti, në një përgjigje për median vendore, ka thënë se është iniciuar një hetim lidhur me rrethanat që karakterizojnë këtë rast.
Ajo thotë se kjo tabelë reklamuese ishte e vendosur në rrugën magjistrale Prishtinë-Gjilan.
“Sot kemi pranuar informatën lidhur me dëmtimin e një tabele reklamuese (Billboard) që ka qenë e vendosur në rrugën magjistrale Prishtinë-Gjilan. Policia menjëherë ka dalë në vendin e ngjarjes dhe në bazë të informacioneve të para dyshohet që dëmtimi ka ndodhur në orët e hershme të mëngjesit. Aktualisht është iniciuar një hetim lidhur me rrethanat që karakterizojnë këtë rast”, ka thënë Ahmeti.
Vendosja e banerit ka nxitur reagime edhe të kryetarit të Graçanicës, Srxhan Popoviç, i cili ka kërkuar largimin e banerit.
***
Ditëve të fundit një billboard “Liria ka emër” është vendosur në Komunën e Graçanicës.
Vendosja e tij ka ngritur reagime të shumta, derisa, është kërkuar që ai të hiqet edhe nga kreu i kësaj komune, duke u cilësuar si provokim për banorët.
Në orët e para të mëngjesit këtij billboardi iu është vënë flaka. Në vend të ngjarjes kanë dalë policia që e ka rrethuar me shiritë vendosin ku ndodhet ai billbord.
Zyrtarisht të njejtët nuk kanë dhënë asnjë informacion nëse është identifikuar ndonjë person që mund të ketë kryer veprën.
