Sipas njohësve të diplomacisë, Qeveria duhet të ofrojë përkrahje diplomatike e juridike për të akuzuarit
Arrestimi i Hashim Thaçit, Kadri Veselit, Rexhep Selimit e Jakup Krasniqit, ka kthyer vëmendjen edhe një herë nga Kosova.
Madje, aktakuza për krime lufte ndaj tyre, ka bërë që edhe mediat ndërkombëtare të kthejnë sytë kah Kosova.
E një gjë e tillë mund të ndikoj negativisht për Kosovën, në arenën ndërkombëtare.
Për këtë arsye, ish ambasadori Sabri Kicmari kërkon që qeveria e Kosovë të mos rrijë duarkryq.
Kiçmari tutje thotë që sjellja e mirë e ish krerëve të UÇK-së ka impakt pozitiv për Kosovën.
E Yll Zeka nga Instituti i Kosovës për Drejtësi vlerëson që të akuzuarit në Hagë kanë nevojë për përkrahje juridike nga shteti.
Sipas Zekajt, mobilizim duhet edhe nga ana e ministrisë së drejtësisë.
Televizioni ka kërkuar qëndrim për këtë çështje edhe nga Ministria e Punëve të Jashtme.
Por ky dikaster qeveritar nuk i është përgjigjur interesimit të televizionit.
