Shefi i Zyrës së Bashkimit Evropian në Kosovë, Tomáš Szunyog dhe Kryeministri Avdullah Hoti, kanë nënshkruar sot një kontratë me vlerë prej 26.5 milionë eurosh.
Kjo kontratë është e dizajnuar për t’i përkrahur përpjekjet e Qeverisë në adresimin e pasojave ekonomike të shkaktuara nga COVID-19.
Pagesa e parë prej 20.5 milionësh pritet që përpara fundit të këtij viti, thuhet në njoftimin e Zyrës së BE-së në Kosovë
“Kjo mbështetje e re e BE-së do t’i sigurojë buxhetit të Kosovës fonde të nevojshme për zbutjen e ndikimit socio-ekonomik të krizës së COVID-19 mbi qytetarët dhe bizneset e Kosovës. Në veçanti, fondet e BE-së do të përdoren për t’u ndihmuar mikro-ndërmarrjeve dhe të vetë-punësuarve për të rritur likuiditetin e tyre financiar përmes Fondit Kosovar për Garanci Kreditore, për grante dhe subvencione për fermerët, si dhe për t’u ndihmuar komuniteteve jo-shumicë që janë goditur më rëndë nga pandemia. “ thuhet në njoftim.
E këtë e ka cilësuar si lajm të mirë për vendin, këshilltari i kryeministrit Shefqet Shehu.
Ai përmes një postimi në Facebook, ka treguar se më 26 dhe 17 nëntor do të takohet delegacioni teknik i Kosovës, dhe ai i Francës për liberalizimin e vizave.
Postimi i plotë:
Lajme të mira për vendin:
? Më 26 dhe 27 nëntor takohen delegacionet teknike Kosovë – Francë për liberalizimin e vizave ?????
? Hoti dhe Szunyog nënshkruan kontratën e përkrahjes buxhetore prej 26.5 milionë euro ?????
