Rexhep Selimi në listën e zezë të SHBA-ve, Gjykata Speciale e akuzon për këtë gjë “10shin” në këtë pikë të aktakuzës

Aktuale

Rexhep Selimi në listën e zezë të SHBA-ve, Gjykata Speciale e akuzon për këtë gjë “10shin” në këtë pikë të aktakuzës

Nga: D.RR Më: 22 nëntor 2020 Në ora: 17:45
Rexhep Selimi

Në vitin 2018, Shtetet e Bashkuara të Amerikës kanë përditësuar dhe kanë futur në listën e zezë 25 liderë politikë dhe persona me ndikim në Kosovë, të cilëve u ndalohet hyrja në Amerikë. Në këtë listë që kishte nxjerrë Zyra Amerikane e Thesarit për Kontrollimin e Aseteve të Jashtme janë disa deputetë të kuvendit të Kosovës, shkruan “Bota sot”.

Ndër 25 emrat, figura të njohura politike janë Fatmir Limaj, Daut Haradinaj, Rexhep Selimi, Sami Lushtaku, Rrustem Mustafa, Azem Zyla, Ramiz Lladrovci, e Emrush Xhemajli.

Nga këta emra, Rexhep Selimi është i akuzuar nga Gjykata Speciale për krime lufte, ndërsa edhe disa nga emrat më lartë pritet të ftohen si të akuzuar, ndonëse disa prej tyre kanë qenë në Speciale për intervistim.

Por, Rexhep Selimi siç duket e ka punën më “pisk” në Speciale, për shkak të futjes së tij nga SHBA-ja në listën e zezë të këtyre të fundit.

Kjo pasi në një pikë të aktakuzës të flet-arrestimit të siguruar nga hulumtimi i gazetës “Bota sot”, përmendet pikërisht Rexhep Selimi si i listuar në listën e zezë të Shteteve të Bashkuara të Amerikës.

Në të njëjtën pikë, thuhet se Rexhep Selimi ka kontaktuar një polic pas një tentim vrasje që është bërë nga njerëz që kanë punuar me të.

Sipas Zyrës së Prokurorit të Specializuar, policit i është kërkuar që marrë provat të cilat mund të ishin përdorur në rastin e tentim vrasjes.

Image
commentFirst article
Sot mund të lexoni Shfletoni kopertinat