Në media është duke qarkulluar lajmi se deputetit të AAK-së, Haxhi Shala, ia kanë shpërblyer djalin me një nga postet më të rëndësishme në diplomaci, nëpërmjet një procesi që është tentuar të mbahet fshehtë.
Pra, siç mësohet, djali i deputetit Haxhi Shala, Flakron Shala, është emëruar Konsull i Përgjithshëm në Pragë.
E, lidhur me këtë, ka reaguar ashpër juristi i njohur Ehat Miftaraj.
Miftaraj ka thënë se pa pikë përvoje, pa plotësuar as edhe një kriter, hop e drejtë në pozitën konsull i përgjithshëm.
Ai e quan këtë si një dhuratë nga partia e pretendentit për President të Republikës, shkëlqesisë së tij Ramush Haradinaj.
Ja shkrimi i tij:
Fjala popullore se dikujt edhe knusi i bën vezë e dikujt as pula është ky lajm.
Pa pikë përvoje, pa plotësuar as edhe një kriter hop e drejtë në pozitën konsull i përgjithshëm, DHURATË nga partia e pretendentit për President të Republikës, shkëlqesisë së tij Ramush Haradinaj.
AAK ka caktuar ministra kukulla mu për raste si ky. Me shkel ligjin, procedurën, me I rahatu familjarët dhe me I përmbush egot dhe pazaret politike.
Lloji i këtyre dhe atyre që iu shkojnë pas, shtetin e dojnë vetëm me e shfrytëzu dhe përmbush egon dhe komplekset personale.
Në një botë ku kish sunduar vlera dhe merita, maksimumi që kishin arrit në jetën e tyre do ishte pozita e loparit.
