Betim Gjoshi i PDK-së, ka reaguar ndaj kryeministrit Avdullah Hoti, i cili tha se veç punët e mira i merr përsipër, e vendimet denigruese, thotë se s’janë bërë në koordinim me të.
“Ky i pafajshmi që veç punët e mira i merr përsipër, e për vendimet degraduese thotë se nuk është bërë në koordinim me mua. Mjaft u fshehe mbrapa derës. Trego një herë të vetme që je kryeministër. #TëLodhët #Mashtrues”, shkruan Gjoshi në profilin e tij në Facebook.
Kryeministri Avdullah Hoti, tha se është njoftuar nga mediat për emërimin e Konsullit Flakron Shala në Pragë.
“Për emërimin e Konsullit të Përgjithshëm të Republikës Kosovës në Pragë të Çekisë, jam njoftuar nga mediat. Ky emërim nuk është koordinuar me mua”, shkroi veç tjerash Hoti.