Gërvalla: Të rrezikshme idetë për ndryshimin e kufijve, nxisin konflikte të reja

Aktuale

Gërvalla: Të rrezikshme idetë për ndryshimin e kufijve, nxisin konflikte të reja

Më: 23 prill 2021 Në ora: 10:28
Bujar Osmani, Donika Gërvalla

Ministrja e Punëve të Jashtme të Kosovës ka pritur sot në takim homologun e saj të Maqedonisë së Veriut, Bujar Osmanin. Në konferencën e përbashkët Gërvalla tha se janë të shumta temat që i bashkon Kosovën dhe Maqedoninë duke theksuar se të dyja këto shtetet ndajnë interesat e përbashkëta politike e ekonomike për stabilitetin dhe prosperitetin e rajonit.

Gërvalla derisa përmendi rreth 30 marrëveshjet e arritura mes Kosovës dhe Maqedonisë së Veriut shtoi edhe se marrëdhëniet mes të dyja këtyre vendeve është mundësi i bashkëpunimit rajonal dhe fqinjësisë së mirë.

Ministrja e Jashtme dhe e Diasporës, Donika Gërvalla, ka thënë se dizajnimi i ri i kufijve në Ballkan, siç u shkrua në disa media sllovene, është një ide tepër e rrezikshme që do të nxiste konflikte të reja në rajon.

Image
Pamje nga takimi

“Bisedat ton janë gjithmonë shumë të afërta dhe të ngjeshura sepse temat që na bashkojnë janë të shumta. Republika e Kosovës dhe e Maqedonisë së Veriut ndajnë interesat e përbashkëta politike dhe ekonomike për stabilitetin, qëndrueshmërinë dhe prosperitetin e rajonit tonë. Fuqizimi i marrëdhënieve dy palëshe dhe fqinjësisë së mirë është përkushtimi i yni i cili për ne nuk ka tjetër alternativë. Maqedonisë e Veriut është një partner strategjik i Kosovës., rreth 30 marrëveshje i kemi lidhur bashkëpunim në shumë fusha, e këto përbëjnë atë që mund të quhet model i bashkëpunimit rajonal dhe i fqinjësisë së mirë. Ky është një demonstrim praktik i parimit të fqinjësisë së mirë dhe mund të thuhet se po japim kontributin tonë për të gjithë rajonit drejt ofrimit të Ballkanit drejt të BE-së”, tha Gërvalla.

Ministri i Punëve të Jashtme të Maqedonisë së Veriut, Bujar Osmani tha se Republika e Maqedonisë së Veriut mbështet dialogun Kosovë - Serbi, me një marrëveshje gjithëpërfshirëse.

Image
Bujar Osmani

"Më gëzon fakti që bashkë me ministren riafirmuam marrëdhëniet bilaterale ndërmjet dy shteteve tona. Kjo është e rëndësishme për qytetarët e të dyja vendeve. Në frymën e kësaj miqësie sot biseduam për shumë çështje, sidomos për çështje ekonomike. Tregova për vijimin e punëve të autostradës. Biseduam edhe për çështjet me karakter ndërkombëtar, Maqedonia e Veriut përkrahë integrimin e NATO-s, ambicia jonë është integrimi i plotë i 6 vendeve në Bashkimin Evropian, për çka jemi të gatshme t'i tregojmë Kosovës të gjitha njohuritë tona që kemi", tha ai.

Ai ministren Gërvalla për detyrën e re në krye të Ministrisë së Punëve të Jashtme të Kosovës.

Ndërsa për ndryshim të kufijve referuar dokumentit të për ndryshim të kufijve, tha se “ Ne nuk duhet të biem në kurth, sepse nuk është në rregull ta lidhim këtë dokument me Slloveninë. Në Ballkan janë përdorur disa modele për trajtimin e marrëdhënieve ndëretnike".

Në konferencën e përbashkët që pati me homologun e saj nga Maqedonia e Veriut, Bujar Osmani, Gërvalla tha se qëndrimi i Kosovës është shumë qartë kundër çdo ndryshimi kufijsh.

"E kemi ndjekur me shumë shqetësim daljen e tezave të tilla. Vetëm përmendja e tyre është e rrezikshme. Ne kemi pasur njëherë temën e ndryshimit të kufijve, për ne nuk është asnjëherë opsion, pavarësisht se kush janë autorët dhe pavarësisht se a janë menduar si teza. E shohim shumë të rrezikshme dhe në këtë formë shtynë konflikte të reja të cilat për rajonin janë shumë të rrezikshme", tha ajo.

Image
Donika Gërvalla
commentFirst article
Sot mund të lexoni Shfletoni kopertinat