Anëtarja e LDK’së, Melihate Tërmkolli, ka thënë për kryeministrin Albin Kurti, se nëse ky i fundit i do shqiptarët dhe Shqipërinë, nesër nuk duhet të votojë.
Tërmkolli tha për Kurtin se edhe pse ky e ka të drejtën e votës, nuk do të ishte mirë të marrë pjesë në zgjedhjet e Shqipërisë.
Kjo për shkak se, sipas saj, Kurti si kryeministër i Kosovës nuk duhet mirë të votojë në zgjedhjet e një shteti tjetër.
“Kryeministri i Kosovës, z. Albin Kurti, po ta dojë Shqipërinë e shqiptarët më shumë se pushtetin, sado që e ka të drejtën e votës, nuk do të ishte mirë të marrë pjesë nesër në zgjedhjet e Shqipërisë. Së pari, sepse si Kryeministër i Kosovës, shtet më vete, nuk po duket mirë të votojë në zgjedhjet e një shteti tjetër më vete, në Shqipëri. Së dyti, situata atje edhe ashtu është mjaft e tensionuar dhe nuk na ka hije që në ç‘farëdo mënyre t’i shërbejmë tensionimit më të madh. Së treti, që mund të jetë e para, kemi shumë punë për të bërë këtu. Njësoj do të vlente kjo edhe për politikanët tjerë të Kosovës që po kapardisen me fotografi nga Shqipëria”, shkruan Tërmkolli.
Kandidati i Vetëvendosjes për deputet në Shqipëri, Boiken Abazi, ka konfirmuar se ditën e zgjedhjeve, Kurti do të votojë në Shqipëri.
