Lideri i LDK-së, Lumir Abdixhiku, ka folur rreth deklaratës së zëvendëskryeministrit të Kosovës, Besnik Bislimi, i cili tha se kanë hallakatur çdo cep në Qeveri – të katit të dytë dhe të tretë ‘për të parë mos janë mshefë dosjet e marrëveshjes’.
Abdixhiku duke qeshur thotë se është komike të kontrollohen dollapët, pasi sipas tij, shteti nuk funksion me dollapë, por të gjitha thotë se janë dorëzuar në ditën e pranim-dorëzimit të detyrës.
“Nuk është e vërtet. Kjo është hajgare qysh keni kontrolluar dollape, shteti nuk funksion me dollapë, dokumetet kanë numër portokolle, kanë vulë. Nuk është shtëpi nuk është podrum. Është padituri e madhe ju lutem. Nuk lëvizen raftet në Qeveri për të gjetur dokumente”, tha Abdixhiku.
Madje ai i përmendi të gjitha dokumentet që janë dorëzuar në ditën e pranim-dorëzimit të detyrës.
“Ditën e pranim dorëzimit të detyrës, janë dorëzuar pozicioni i Republikës së Kosovës në dialog me Serbinë, raporti mbi kornologjinë e të gjitha dokumenteve, të gjitha dokumentet e dakorduar në Bruksel në roundet e dialogut. Në qoftë se nuk i kanë marrë, i kanë Akadamia e Shkencave dhe Artave të Kosovës, janë publike, por i kanë marrë. Dokument për dialog mbi obligimet financiare që i ka Serbia ndaj Kosovës. Vendimin e qeverisë për Këshillin e Ekspertëve për dialog. Këto janë dokumentet që janë të dorëzuar e janë të arkivuara”, tha Abdixhiku.
Po ashtu ai tha se në rast se Qeveria e Kosovës ka pasur të pyes diçka, atëherë është dashur të kontaktojnë me LDK-në, pasi sipas tij, dokumentet nuk mund të fshehën.
“Kanë mundur të kontaktojnë, jemi këtu afër, por këto janë dokumente të arkivuara, nuk mund të mshefen e të merren me vete”, tha Abdixhiku.
