Dy fëmijë vdesin në tragjedinë e Gjakovës, flet familjari: Fëmijët ishin në gjumë...

Aktuale

Dy fëmijë vdesin në tragjedinë e Gjakovës, flet familjari: Fëmijët ishin në gjumë...

Më: 8 shtator 2021 Në ora: 14:37
Ilustrim

Dy fëmijë të moshës 12 dhe 13 vjeç kanë vdekur, ndërsa tre të tjerë kanë mbetur të lënduar nga zjarri që përfshiu shtëpinë në fshatin Ujz të Gjakovës.

Familjari i tyre, Bashkim Sadriaj, ka treguar që zjarri ka qenë shumë i madh dhe shumë shpejt e ka përfshirë pjesën e shtëpisë ku ndodheshin fëmijët.

Rasti ka ndodhur rreth orës 08:00 të mëngjesit. Dikush prej familjarëve e ka parë tymin dhe nuk kemi pasë mo shans mu afru aty, pasi shtëpia u kaplua nga flakët. Rryma e ka shkaktuar tjetër çka s’ka pasë”.

Fëmijët kanë qenë në gjumë, zjarri ka qenë shumë i madh”, ka treguar Sadriaj.

Ndryshe, para pak orëve janë nxjerrë dy trupat e pajetë të fëmijëve që humbën jetën si pasojë e zjarrit që përfshiu shtëpinë e tyre në fshati Ujz të Gjakovës.

Zëdhënësi i Policisë së Kosovës në Gjakovë, Nusret Gjurkaj, ka bërë të ditur se ngjarja e rëndë ka ndodhur sot rreth orës 09:00 në mëngjes.

Datë 08.09.2021 reth ores 09:05 policia Rajonale në Gjakovë ka pranuarnjoftim se në fshatin Ujz, KK. Gjakovë një objekt është perfshire nga zjarri. Patrulla policore se bashku me ekipen e zjarrëfikesve kane arritur ne vendngjarje. Dyshohet qe brenda objektit qe ishte i perfshir nga zjarri kane mbetur dy persona te mitur, ekipet e Zjarrefiksve jane duke bere perpjekje ta lokalizojne zjarrin dhe sipas zjarrefikesave dyshohet se brenda gjinden dy persona te karbonizuar( djegur)”, tha Gjurkaj.

Ndërkohë Policia ka bërë të ditur se në gjendje të rëndë shëndetësore si pasojë e zjarrit, është edhe prindi i njërit prej viktimave, ndërsa tre familjarë tjerë kanë pësuar lëndime më të lehta trupore.

Hetimet po vijojnë për zbulimin e shkaqeve të zjarrit, teksa deri më tani nuk dihet asgjë për mënyrën se si ndodhi zjarri që la dy të vdekur e tre të lënduar.

commentFirst article
Sot mund të lexoni Shfletoni kopertinat