Rama viziton Kosovën në mes të tensioneve me Serbinë, çfarë do të ndodhë nesër

Aktuale

Rama viziton Kosovën në mes të tensioneve me Serbinë, çfarë do të ndodhë nesër

Më: 26 shtator 2021 Në ora: 16:53
Edi Rama dhe Albin Kurti

Edi Rama do të zbresë nesër në Kosovë, për tu takuar më liderët kryesorë politikë, kur Prishtina dhe Beogradi janë në situatën më të nxehtë të viteve të fundit.

Takimi i parë i Ramës do të jetë me kryeministrin Albin Kurti, me të cilin do të bisedojë për tensionet e fundit me Serbinë, por edhe do të jetë takimi i parë pas një kohe të gjatë që dy kryeministrat replikojnë në distancë për atë që shuhet Mini Shengen.

Qëndrimi i kryeministrit shqiptar mbi reciprocitetin e targave me Beogradin, pritet të publikohet në një konferencë shtypi.

Rama nuk do të takohet me presidenten Vjosa Osmani dhe as me kryeparlamentarin Glauk Konjufca.

Por do të takohet me tre liderët e opozitës: Ramush Haradinaj, Memli Krasniqi dhe Lumir Abdixhiku.

Gjatë qëndrimit në Kosovë, Rama do të dekorojë edhe akademikun, Rexhep Qosja.

Shfaq komentet
comments powered by Disqus
Sot mund të lexoni Shfletoni kopertinat