Kriza energjetike në Serbi, Vuçiq: S’po më zë gjumi natën
Presidenti i Serbisë, Aleksander Vucic, ka thënë se si pasojë e krizës energjetike në të cilën gjendet Serbia nuk është duke zënë gjumi natën.
“Unë nuk fle natën, nuk do të jetë e lehtë që të zgjidhet. Do të kemi probleme me çmimet e energjisë së të gjitha burimeve”, ka thëën Vuçiq nga miniera e arit në Cukar Peka.
Kreu i shtetit serb ka thënë se ka edhe vende që e kanë gjendjen shumë më të keqe se Serbia por që s’janë farë të shqetësuar.
“Ne po luftojmë më shumë se ata, prandaj jemi kaq të suksesshëm”, ka thënë Vuçiq.
Ditë më parë ai ka treguar se do të udhëtojë drejt Rusisë për t’u takuar me Putinin me qëllim të negocimit të çmimit të gazit.
