​Shfaqet premiera e filmit “Zgjoi”, Osmani: Historia e Krushës është interpretuar me mjeshtëri

Aktuale

​Shfaqet premiera e filmit “Zgjoi”, Osmani: Historia e Krushës është interpretuar me mjeshtëri

Më: 22 tetor 2021 Në ora: 19:12
Presidentja Vjosa Osmani

Në Prishtinë është dhënë premiera e filmit "Zgjoi", i cili ka fituar plot tri çmime të rëndësishme në festivalin “Sundance”. I njëjti është edhe propozim i Kosovës në “Oscars 2022”, dhe do të jetë pjesëmarrës edhe në Festivalin e Filmit në Romë.

Filmi portretizon historinë e gruas nga Krusha, Fahrije Hoti.

Presidentja Vjosa Osmani e kryeministri Albin Kurti kanë marrë pjesë në premierën e filmit.

Osmani ka thënë se historia e Krushës është interpretuar me mjeshtëri nga regjia e Blerta Bashollit.

"Ju faleminderit që përmes kinematografisë së Kosovës po tregoni dhimbjet, sfidat, kulturat dhe mendësinë tonë. Ju tashmë jeni ambasadorët tanë dhe nëpërmes jush Kosova po hap kapituj të ri të suksesit. Zgjoi, jemi me ju dhe ju priftë e mbara", ka thënë ajo.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat