Gjakova në balotazh, diferenca mes Gjinit e Kusari-Lilës mbi 3 mijë vota

Aktuale

Gjakova në balotazh, diferenca mes Gjinit e Kusari-Lilës mbi 3 mijë vota

Më: 28 tetor 2021 Në ora: 10:46
Ardian Gjini dhe Mimoza Kusari Lila

Komisioni Qendror i Zgjedhjeve shpalli rezultatet përfundimtare të raundit të parë të Zgjedhjeve Lokale për Kryetarë të 37 Komunave, të cilat u mbajtën më 17 tetor 2021.

Në Gjakovë, kryetari aktual dhe kandidati i Aleancës për Ardhmërinë e Kosovës, Ardian Gjini do të jetë në balotazh me ish-kryetaren dhe kandidaten e Lëvizjes Vetëvendosje, Mimoza Kusari-Lila.

Gjini ka dal i pari me 18,973 vota ose 45,76%, ndërsa Kusari-Lila është e dyta me 15,426 vota ose 37,20%. Diferenca mes kandidatëve është 3,547 vota.

Kandidati i PSHDK-së, Ferdinand Kolaj ka dalë i treti, ndërsa kandidati i LDK-së, Teki Shala, është i katërti pasuar nga Arbënesha Kuqi e PDK-së dhe Fazli Hoxha i Nismës.

Në Komunën e Gjakovës numri i votuesve të regjistruar ka qenë 113 165, këtë të drejtë e kanë shfrytëzuar 40,569 qytetarë. Numri i votuesve të cilët kanë votuar jashtë vendvotimit, si me kusht, VPNV dhe me postë është 1,637. 

Pjesëmarrja në votime në Gjakovë është 37,30%

Pas shpalljes së rezultateve përfundimtare, në afat brenda 24 orësh, subjektet politike dhe kandidatët mund të paraqesin ankesat e tyre në Panelin Zgjedhor për Ankesa dhe Parashtresa.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat