Sot është bërë një vit që nga arrestimi i Jakup Krasniqit nga Specialja

Aktuale

Sot është bërë një vit që nga arrestimi i Jakup Krasniqit nga Specialja

Më: 4 nëntor 2021 Në ora: 12:36
Jakup Krasniqi

Sot janë bërë një vjt nga arrestimi i ish-kryetarit të Kuvendit të Kosovës Jakup Krasniqi, nga Specialja.

Krasniqi u arrestua nga EULEX në mëngjesit e 4 nëntor dhe për orë të tëra kanë kryer bastisje në shtëpinë e ish-kryeparlamentarit Jakup Krasniqi.

Përveç në Prishtinë, operacioni është zhvilluar edhe në vendlindjen e Krasniqit, në fshatin Negrovc të Drenasit.

Pas përfundimit të operacionit ish-zëdhënësi i Ushtrisë Çlirimtare të Kosovës u arrestua dhe u bë e ditur se iu është konfirmuar aktakuza për krime të luftës.

Më vonë ai u nis drejt Hagës.

Aktakuza kundër Jakup Krasniqit u konfirmua më 26 tetor 2020.

Aktakuza e ngarkon atë me akuza për krime lufte dhe krime kundër njerëzimit sipas të drejtës ndërkombëtare, për forma të ndryshme të përgjegjësisë penale.

Krasniqi ishte i pari që u arrestua nga Specialja pas konfirmimit të aktakuzës.

Një ditë më pas u arrestuan edhe ish-presidenti Hashim Thaci, ish-kreu i Partisë Demokratike të Kosovës, Kadri Veseli, e shefi i grupit parlamentar të Lëvizjes Vetëvendosje, Rexhep Selimi.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat