Mungesa e kuorumit në Kryesi të Kuvendit, Konjufca cakton seancë plenare për të hënën

Aktuale

Mungesa e kuorumit në Kryesi të Kuvendit, Konjufca cakton seancë plenare për të hënën

Më: 30 nëntor 2021 Në ora: 14:30
Glauk Konjufca

Kryetari i Kuvendit të Kosovës, Glauk Konjufca ka caktuar seancë plenare për të hënën.

Caktimi i seancës plenare për të hënën nga kryeparlementari Konjufca ka ardhur pasi Kryesia e Kuvendit nuk pati kuorum për mbajtjen e mbledhjes dhe caktimin e seancës.

Ndryshe, kjo është hera e dytë brenda një periudhe të shkurtër kohore që Konjufca shfrytëzon të drejtën për caktimin e seancës plenare.

Sot në orët e paradites ka dështuar sërish që të mbahet mbledhja e Kryesisë së Kuvendit të Kosovës për shkak të mungesës së kuorumit.

Shefi i Grupit Parlamentar të AAK-së, Besnik Tahiri ka thënë se kjo është e papranueshme.

Edhe shefi i Grupit Parlamentar të PDK-së, Abelard Tahiri ka akuzuar mazhorancën për papërgjegjësi për funksionim të Kuvendit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat