Mandati i ri: Muhaxheri zotohet se do të jetë në shërbim të qytetarëve

Aktuale

Mandati i ri: Muhaxheri zotohet se do të jetë në shërbim të qytetarëve

Më: 30 nëntor 2021 Në ora: 16:41
Gazmend Muhaxheri

Është mbajtur seanca solemne inauguruese e legjislaturës se re te Kuvendit te Komunës se Pejës, ku seancën e udhëhoqi asamblistja me në moshë, Drita Maloku.

Në pranin e mysafirëve te shumtë ne mënyrë solemne deputetët e zgjedhur e bënë betimin për mandatin e tyre katër vjeçar.

Në vazhdim para deputetëve e bëri betimin edhe kryetari i zgjedhur i Komunës se Pejës, Gazmend Muhaxheri, i cili pastaj me një fjalë rasti i falënderoi qytetarët e Komunës se Pejës për besimin dhe u zotua që do të jetë në shërbim te qytetarëve edhe gjatë këtij mandati”, thuhet në njoftimin e bërë për media.

Tutje, në njoftim thuhet se “gjatë seancës u propozua edhe zgjedhja e Kryesuesit te Kuvendit të Komunës dhe pas procedurave të votimit të fshehtë, me shumicë të votave u zgjodh Rexhep Kurtbogaj, Kryesues i Kuvendit Komunal të Pejës, për mandatin katër vjeçar”.

“Kryesuesi i zgjedhur, Rexhep Kurtbogaj në fjalën e tij përshëndetëse i falënderoi deputetët për besimin e dhënë dhe premtoi zbatim të ligjit, korrektësi, paanshmëri dhe bashkëpunues me të gjithë deputetët pa dallime partiake”.

Organet tjera të Kuvendit te Komunës do te zgjedhën ne seancën e radhës.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat