Nga VV-ja tregojnë se a do të bëjnë koalicion me LDK-në

Aktuale

Nga VV-ja tregojnë se a do të bëjnë koalicion me LDK-në

Më: 7 dhjetor 2021 Në ora: 18:56
Ilustrim

Ish asamblistja e Lëvizjes Vetëvendosje në komunën e Prishtinës, Leonora Bajraktari, ka komentuar seancën inauguruese të kryetarit të ri të kryeqytetit, Përparim Rama.

Në këtë seancë, ishin asamblistët e VV-së ata që dhanë betimin përpara flamurit kombëtar, ndërsa sipas Bajraktarit, kjo është traditë e të gjithë shqiptarëve që të betohen përpara flamurit kombëtar.

“Çdo herë ka qenë traditë e shqiptarëve, e në veçanti ne si VV gjithnjë jemi betuar përpara flamurit kombëtar”.

“Nuk është kjo vetëm ide e VV-së, por kësaj i ideje i bashkëngjiten të gjithë qytetarët. Nuk ma merr mendja që qëndron një shqiptar që është kundër bashkimit kombëtar”, është shprehur Bajraktari.

Tutje, ajo ka komentuar edhe punën e deritanishme të ish-kryetarit të Prishtinës, Shpend Ahmeti, ku tha se është për tu dalluar mandati i tij i parë me atë të dytin, teksa shtoi se ai duhet t’u kërkojë falje qytetarëve për mospunën e tij në mandatin e dytë.

“Shpend Ahmeti, është për tu dalluar në mandatin e dytë. Për mandatin e dytë ai është dashur t’i kërkojë falje qytetarëve sepse nuk ka punuar asgjë, dhe nuk e di se për çka do të mbahet në mend, apo do të mbahet në mend për diçka të mirë në mandatin e dytë”.

“Ai s’ka ndërtuar shkolla të reja, nuk ka ndërtuar çerdhe të reja, rrugët tona dihen dhe janë gjëra që janë parë çdo herë. Pra, asgjë në mandatin e dytë nuk është punuar”, është shprehur Bajraktari,.

Më tej, Bajraktari tha se Vetëvendosje në parim, të gjitha projektet e mira do t’i votojnë, dhe se do të jetë bashkëpunuese, kurse në lidhje me një koalicion të mundshëm me LDK-në, Bajraktari tha se nuk është diskutuar asnjëherë.

“VV gjithmonë në parim i ka të gjitha projektet e mira të votohen, por gjithmonë do ta ngrisë zërin për çështjet që janë në dëm të kryeqytetit”.

“Kështu që VV mund të jetë shumë bashkëpunuese dhe do të jetë e zëshme në momente të caktuara do të dëmtohet kryeqyteti jonë”.

“Nuk është diskutuar asnjëherë që VV të ketë koalicion me LDK-në. Por, ne nuk do të bëjmë koalicion me LDK-në në Prishtinë”, është shprehur Bajraktari.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat