U tha se ka vdekur Nazim Bllaca, reagon vëllai i tij - tregon si qëndron e vërteta

Aktuale

U tha se ka vdekur Nazim Bllaca, reagon vëllai i tij - tregon si qëndron e vërteta

Më: 20 maj 2022 Në ora: 19:07
Nazim Bllaca

Nazim Bllaca është gjallë.

Këtë e ka konfirmuar vëllai i tij, Liman Bllaca, i cili tha se Nazimi është shëndoshë e mirë dhe nën mbrojtje ndërkombëtare.

Ai e demantoi kështu avokatin e Kadri Veselit, Ben Emmerson, i cili gjatë konferencës së sotme për ecurinë e çështjes për ish-krerët e UÇK’së dekaroi se Nazim Bllaca ka vdekur, raporton Klan Kosova.

“Prokuroria vazhdon të mbështetet te një dëshmitar, Nazim Bllaca, i cili ka vdekur. Ka informacione që ka qenë aset serb, i paguar nga shërbimet e fshehta serbe”, deklaroi Emmerson, të paktën sipas përkthimit zyrtar të Dhomave të Specializuara të Kosovës.

Nazim Bllaca u bë shumë i njohur në vitin 2009, pasi deklaroi publikisht se kreu vrasje në emër të Shërbimit Informativ të Kosovës (SHIK).

Pas kësaj deklarate që e tronditi vendin, Nazim Bllaca, që vetëdeklarohej si agjent i SHIK-ut, u bë dëshmitar i mbrojtur i EULEX-it. Në këtë cilësi, ai u largua nga Kosova dhe vendndodhja e tij nuk dihet.

Bazuar në deklaratat e Nazim Bllacës, u zhvilluan tri procese gjyqësore, “Bllaca 1″, “Bllaca 2” dhe “Bllaca 3”.

commentFirst article
Sot mund të lexoni Shfletoni kopertinat