Në përvjetorin e 23-të, kërkohet drejtësi për viktimat të masakrës së Dubravës

Aktuale

Në përvjetorin e 23-të, kërkohet drejtësi për viktimat të masakrës së Dubravës

Më: 20 maj 2022 Në ora: 23:16
Burgu i Dubravës

Në ditën e dytë të përvjetorit të masakrës së Dubravës, hapësirat e këtij burgu i vizituan drejtuesit e institucioneve qeverisëse.

Përveç tyre, këtë vizitë e bënë edhe të mbijetuarit e kësaj masakre dhe studentët e Fakultetit të Juridikut.

Përveç vizitës, ministrja e Drejtësisë, Albulena Haxhiu dhe ministri i Infrastrukturës, Liburn Aliu bënë homazhe para lapidarit në oborrin e këtij burgu.

Ministrja Haxhiu tha se historia e shkruar e kësaj masakre është falë personave që kanë mbijetuar.

Sipas saj, pas 23 viteve prioritet i kësaj qeverie është zbardhja e këtyre rasteve.

Si njërën ndër ngjarjet më të rënda të historisë së vendit e përshkroi i mbijetuari i kësaj masakre, tani ministër i Infrastrukturës, Liburn Aliu.

Aliu ka kujtuar guximin e shqiptarëve në atë periudhë, pavarësisht që të burgosurit përjetuan gjuajtje pandërprerë përmes këtyre mureve.

Nga studentët e drejtësisë, u kërkua bashkëpunim në të ardhmen.

Dekani i këtij fakulteti, Avni Puka, tha se diskutimet për këtë masakër kalojnë edhe në sallat e këtij fakulteti.

Gjatë vitit 1999, në këtë burg ishin të vendosur 960 të burgosur, ku nga ta mbi 117 janë të vrarë dhe rreth 200 të tjerë të plagosur.

commentFirst article
Sot mund të lexoni Shfletoni kopertinat