Historiku i heqjes së barrikadave dhe vendosja e “parkut të paqes” mbi urën e Ibrit

Aktuale

Historiku i heqjes së barrikadave dhe vendosja e “parkut të paqes” mbi urën e Ibrit

Më: 18 qershor 2022 Në ora: 07:29
Foto ilustrim

Më 18 qershor 2014, në ora 05:00, ishte larguar barrikada mbi urën kryesore të lumit Ibër, barrikadë kjo e mbushur me zhavorr dhe gurë e që kishte qëndruar tri vite, ndërsa në po të njëjtën ditë, vetëm disa orë më vonë, një grup prej disa qytetarëve serbë, përfshirë këtu edhe kryetarin e komunës së Mitrovicës së Veriut, kishin sjellë copa të betonit, me të cilat e kishin ribllokuar urën mbi lumin Ibër, duke vendosur vazo të betonit dhe duke mbjellë pisha mbi këto vazo.

Banorët lokal serbë, këtë barrikadë vendosen ta quajnë “parku i paqes”.

Më 22 qershor 2014, parku i ashtuquajtur i paqes u shndërrua në eskalim të protestave të paralajmëruara të qeta në ato ditë. Disa pjesëtarë të Policisë së Kosovës dhe protestuesve u lënduan, ndërsa disa vetura të Policisë së Kosovës, EULEX-it dhe qytetarëve, u dogjën.

E gjithë kjo ndodhi si pasojë e “parkut të paqes”. Përshkallëzimi i protestave në pjesën jugore të qytetit, rriti nivelin e pasigurisë në pjesën veriore të qytetit, kryesisht në pjesët e banuara me popullatë shqiptare.

Por teksa situata dukej se po shkonte drejt normalizimit, ndodhi e kundërta.

Muri në veri të qytetit të Mitrovicës erdhi pikërisht në kohën kur tensionet ndërmjet grupeve etnike në qytet u zvogëluan dhe u vlerësua se po niste një periudhë e relaksimit të marrëdhënieve, përfshirë edhe procesin e revitalizimit të urës së Mitrovicës.

Më 5 shkurt të vitit 2017, dy ekskavatorëve iu deshën vetëm një orë për ta rrënuar murin e ndërtuar në Mitrovicën e Veriut.

Gjatë rrënimit, ishte thënë se më nuk do të ketë mure në atë pjesë dhe ishte paralajmëruar edhe hapja e urës që lidhë jugun dhe veriun.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat