​Bislimi takon ambasadoren Ziv, diskutojnë bashkëpunimin Kosovë-Izrael

Aktuale

​Bislimi takon ambasadoren Ziv, diskutojnë bashkëpunimin Kosovë-Izrael

Më: 8 gusht 2022 Në ora: 21:04
Foto ilustrim

Zëvendëskryeministri për Integrim Evropian, Zhvillim dhe Dialog, Besnik Bislimi, priti sot në takim ambasadoren e Izraelit në Kosovë, Tamar Ziv me të cilën biseduan mbi thellimin e marrëdhënieve mes dy vendeve dhe avancimin e partneritetit dhe bashkëpunimit mes tyre.

Në takim u diskutua edhe mbi mundësitë e bashkëpunimit në fusha të ndryshme, duke nisur nga shëndetësia e deri tek investimet për ujësjellësit dhe furnizimin me ujë të pijshëm.

Punësimi është një nga prioritetet kryesore të Qeverisë, ku dhe u përmend fuqizimi i rolit të gruas dhe potenciali i madh i rinisë kosovare, duke pasur parasysh dhe moshën mesatare të re të popullsisë në Kosovë.

Një nga temat që u përmend gjatë takimit, ishte dhe mungesa e liberalizimit të vizave për qytetarët dhe izolimi i Kosovës.

Zëvendëskryeministri Bislimi foli gjithashtu edhe mbi situatën në veri dhe reciprocitetin ndaj letërnjoftimeve dhe targave të lëshuara nga Serbia, i cili do të nisë zbatimin nga data 1 shtator. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat