Ligjëruesi në Universitetin e Parisit përfshihet në debatin për shaminë, tregon pse s’duhet të lejohet

Aktuale

Ligjëruesi në Universitetin e Parisit përfshihet në debatin për shaminë, tregon pse s’duhet të lejohet

Nga: A.ZH Më: 11 gusht 2022 Në ora: 22:50
Nezir Kraki

Profesori dhe ligjëruesi në Universitetin e Parisit Nezir Kraki, është përfshirë në debatin për shaminë.

Ai e ka quajtur dhunë direkte mbi të drejtën e vajzave të mitura për të qenë fëmijë, vendosjen e shamisë në kokën e saj, përcjell Bota sot.

Sipas tij, e ardhmja si dritare nuk duhet të mbulohet.

Reagimi i tij i plotë në Facebook:

Shamia mbi kokën e një vajze nën 18 vjeçe, është thjeshtë dhunë direkte mbi të drejtën e asaj vajze për të qenë fëmijë. Është perde e zezë mbi dritaren, nga e cila ndërrohet dhe imagjinohet e ardhmja. Ajo dritare nuk duhet të mbulohet.

Fëmijët kanë nevojë për edukim e shkollim pa asnjë ngarkesë metafizike dhe çdo pretendim se një fëmijë është i pavarur në vendimet që merr, është utopik dhe i pabazë.

Shteti e shoqëria e kanë detyrim që, para çdo lirie tjetër, personave nën moshën 18 vjeç, tua garantojnë të drejtën për të qenë fëmijë sikurse e kanë detyrim t’u kërkojnë prindërve që ajo e drejtë të mos cenohet.

P.s. Shikojeni videon për më shumë sqarim e na kurseni nga komentet jashtë kontekstit strikt të këtij reagimi. Liria e fëmijëve me qenë fëmijë para se me qenë besimtarë, kjo është tema.

commentFirst article
Sot mund të lexoni Shfletoni kopertinat