Anëtari i kryesisë së Vetëvendosjes, Arber Zaimi ka reaguar ndaj deklaratës së presidnetit serb i cili ka thënë se “Kosova dëshiron të vrasë 6-8 serbë që veprojnë të armatosur në veri të vendit”.
Sipas tij, është presidenti serb po tregon planin dhe objektivin e vet.
Postimi në Facebook:
Vuçiqi kur po thotë se “Kosova dëshiron të vrasë 6-8 serbë që veprojnë të armatosur në veri të vendit”, tregon planin dhe objektivin e vet.
Disa serbë të armatosur të cilët terrorizojnë popullsinë vendase, që gjuajnë me armë kundër policisë e cila patrullon kundër kontrabandës, që gjuajnë me shuplaka para syve të fëmijëve familjarët që udhëtojnë me makina, Vuçiqi po dëshiron t’i shpallë martirë para vaktit.
Ai ka nevojë që në Bruksel të marrë me vete emra të vrarësh, sepse argumente nuk i kanë mbetur më.
