Hamiti: Vaki e protokollit mos takimi i Abdixhikut me presidentin Begaj

Aktuale

Hamiti: Vaki e protokollit mos takimi i Abdixhikut me presidentin Begaj

Më: 16 gusht 2022 Në ora: 18:50
Muhamet Hamiti

Anëtari i kryesisë së LDK-së, Muhamet Hamiti i ftuar në ka folur në lidhje me mos takimin e Abdixhikut me presidentin Begaj.

Ai ka thënë se kjo është thjeshtë një vaki e protokollit dhe se takimi mes tyre kësaj radhe ka qenë i pamundur.

“Është një vaki po e quajmë e protokollit për të cilën s’do të doja të komentoja më shumë. Lidhja Demokratike është parti e vjetër, tradicionale, në themelet e shtetit të Kosovës ka ftuar në shtëpinë dhe në familjen e vet presidentin e Shqipërisë, ka qenë e pamundur kësaj here”, tha ai.

Tutje, Hamiti tha se Begaj vetëm sa e ka filluar mandatin dhe do të ketë raste për takime.

“Presidenti i Shqipërisë vetëm sa ka filluar mandatin dhe do të ketë raste për takime patjetër. Nuk do të mund të flisja për refuzim, ka pasur një mosmarrëveshje ashiqare në rrafsh protokollar. Takimet mes drejtuesve të Lidhjes Demokratike dhe drejtuesve të Shqipërisë, president, kryeministër, drejtues politikë kanë ekzistuar, ekzistojnë dhe do të ekzistojnë, raportet Kosovë-Shqipëri janë jetike për ne dhe do të vazhdojnë të jenë”, është shprehur tutje ai.

commentFirst article
Sot mund të lexoni Shfletoni kopertinat