Nga kabineti i Hekuran Muratit thonë se Kosova do ta ketë rritjen më të lartë ekonomike e Serbia më ultën

Aktuale

Nga kabineti i Hekuran Muratit thonë se Kosova do ta ketë rritjen më të lartë ekonomike e Serbia më ultën

Më: 19 shtator 2022 Në ora: 10:36
Hekuran Murati

Blirind Danjolli, këshilltar i ministrit të Financave, Punës dhe Trasfereve, Hekuran Murati, ka thënë se Kosova do të jetë vendi me rritjen më të madhe ekonomike, në mesin e vendeve të Ballkanit Perëndimor.

Kjo sipas tij do të jetë periudha e viteve 2022-2024.

“Gjatë kësaj periudhe, Kosova do të rritet 1% më shpejtë se mesatarja e BB6 dhe 1.2 % më shpejtë se Serbia”, ka shkruar Danjolli në Twitter.

Ai duke iu referuar Bankës Botërore thotë se “Serbia është vendi me rritjen më të ngadaltë në vendet e Ballkanit Perëndimor”.

Qeveria Kurti është krenuar me rritjen ekonomike të shënuar vitin e kaluar.

Por për shkak të krizës në tregjet globale, vendi po shënon normën 19 për qind të inflacionit, sipas të dhënave të Bankës Botërore.

Opozita gishtin e drejton kah “mosveprimi qeveritar”.

Kërkojnë masa më të shpejta, pasi shumë institucione kredibile ndërkombëtare e kanë parashikuar një dimër të vështirë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat