Arben Vitia fiton edhe një mandat në krye të LVV-së në Prishtinë

Aktuale

Arben Vitia fiton edhe një mandat në krye të LVV-së në Prishtinë

Më: 26 shtator 2022 Në ora: 11:26
Arben Vitia

Arben Vitia ka fituar edhe një mandat tjetër në krye të Lëvizjes Vetëvendosje në Prishtinë.

Ish-ministri i Shëndetësisë është zgjedhur me shumicë të votave udhëheqës i Qendrës së LVV-së në kryeqytet.

Në një deklarim në rrjetin social Facebook, Vitia ka thënë se Qendra e LVV-së në Prishtinë ka përpara “sfida dhe mundësi”.

“Duke ju falenderuar për kontributin e dhënë, ndihmën e paçmuar në çdo hap dhe për besimin që më dhatë në drejtimin e Qendrës së Prishtinës, ju ftoj që të përpiqemi së bashku, për më mirë, për më shumë”, ka thënë ai.

Njoftimi i plotë: 

Të nderuar anëtarë e anëtare,

Të dashur aktivistë e aktiviste,

Falenderime dhe suksese në angazhimin e përbashkët!

Qendra e Prishtinës përfundoi dje procesin zgjedhor të nisur në mars 2022 me zgjedhjet për nivelin e dytë organizativ.

Falë angazhimit dhe punës së shumë prej jush procesi zgjedhor i zhvilluar me demokraci të drejtëpërdrejtë u përmbyll me sukses.

Para nesh i kemi sfidat dhe mundësitë. Së bashku do t’i jetësojmë si aspiratë progresiste, si demokraci, si vlera socialdemokrate dhe si organizim gjithpërfshirës shoqëror.

Duke ju falenderuar për kontributin e dhënë, ndihmën e paçmuar në çdo hap dhe për besimin që më dhatë në drejtimin e Qendrës së Prishtinës, ju ftoj që të përpiqemi së bashku, për më mirë, për më shumë.

commentFirst article
Sot mund të lexoni Shfletoni kopertinat