LDK-ja sërish i bën thirrje Qeverisë të gjejë zgjidhje për të filluar mësimi

Aktuale

LDK-ja sërish i bën thirrje Qeverisë të gjejë zgjidhje për të filluar mësimi

Më: 27 shtator 2022 Në ora: 07:38 Përditësuar në ora: 11:40 më 27.09.2022
Jehona Lushaku-Sadriu

Lushaku-Sadriu: 318 mijë nxënës janë në shtëpitë e tyre sepse qeveria nuk është e gatshme të gjejë zgjidhje për ta

Kryetare e Forumit të Gruas në Lidhjen Demokratike të Kosovës, Jehona Lushaku-Sadriu, i ka bërë thirrje Qeverisë që të gjejë zgjidhje sa i përket grevës në arsim.

Ajo shtoi se është përgjegjësi e Qeverisë të hap dialogun për të shkuar drejt zgjidhjes, duke bërë thirrje që kryeministri Albin Kurti të dialogojë me Këshillin Grevist.

Madje sipas saj, LDK-ja është e gatshme që të ndihmojë në këtë kohë krize dhe ta përkrah edhe Ligjin e Pagave.

“318 mijë nxënës janë në shtëpitë e tyre sepse qeveria nuk është e gatshme të gjejë zgjidhje për ta. Ky komoditet nuk i takon asnjë Qeveri në botë. Ne nuk shohim justifikim që të vazhdojë situata e tille. Kjo qeveri nuk ka dëshirë për të dialoguar. Ne mendojmë që zgjidhja është aq e kërkuar saqë dialogu do të duhej të ishte me orë të tëra që sistemi arsimor të zhbllokohet”.

Më kryesorja është që mësimi të fillojë qysh nesër. Ne i bëjmë thirrje që Qeveria të marrë këtë punë seriozisht dhe të mos shkojmë deri në fund të muajit e që do t’i ndëshkonte mësimdhënësit”.

LDK ka qenë e gatshme të ndihmojë në këtë krizë. Ne përkrahim edhe Ligjin për paga që Qeveria do të duhej të procedonte shumë më herët në parlament. Ne kemi nevojë për Ligjin e pagave sa më shpejt”.

LDK mban konferencë për media

Lidhja Demokratike e Kosovës sot do të mbajë konferencë për media.

Konferenca pritet të nisë në ora 11:00 teksa arsyejet e saj nuk janë bërë të ditura nga njoftimi i LDK-së.

Konferenca mbahet në selinë qendorore të LDK-së.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat