Iu lakua emri për largimin e mundshëm nga Vetëvendosje, flet deputetja Labinotë Demi-Murtezi

Aktuale

Iu lakua emri për largimin e mundshëm nga Vetëvendosje, flet deputetja Labinotë Demi-Murtezi

Më: 27 shtator 2022 Në ora: 14:49
Labinotë Demi-Murtezi

Ka bërë bujë një listë e publikuar me disa deputetë të Vetëvendosjes që pritet të largohen nga partia në pushtet. Por, shumica nga ta e kanë demantuar lajmin duke thënë se lista ishte shpifëse dhe qëllimkeqe.

Labinotë Demi-Murtezi është njëra nga ato deputetet që ka mohuar largimin e saj nga Lëvizja Vetëvendosje.

Në një prononcim deputetja nga Gjilani ka thënë se as mendja nuk i ka shkuar të marr një vendim të tillë.

“Në disa medie u tërhoq ky lajm, e në disa po insistohet në këtë të pavërtetë. Unë jam anëtarë e Lëvizjes Vetëvendosje dhe njëkohësisht deputete e Kuvendit e këtij subjekti politik. Vazhdoj të jem e angazhuar në dy komisione parlamentare dhe as nuk më ka shkuar mendja të tërhiqem ose të ndërroj grup parlamentar” ka thënë Demi-Murtezi.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat