E refuzoi ftesën e tij, Pacolli: Isa Mustafa më tha që do të shkojë për vizitë në Hagë me djemtë, me makinë

Aktuale

E refuzoi ftesën e tij, Pacolli: Isa Mustafa më tha që do të shkojë për vizitë në Hagë me djemtë, me makinë

Më: 1 tetor 2022 Në ora: 13:18
Isa Mustafa dhe Hahsim Thaçi

Kreu i AKR-së, Behgjet Pacolli, ka organizuar shkuarjen e ish-presidenteve të Kosovës dhe Shqipërisë për vizitë tek ish-krerët e UÇK-së në Hagë. 

Për ish-presidenten Jahjaga ka thënë se edhe përkundër letrës, mesazheve dhe thirrjeve s’është përgjigjur fare. 

Ndërsa për Fatmir Sejdiun ka thënë se në mënyrë të sjellshme i ka thënë se s’mund t’i bashkohet kësaj vizite atje. 

“Nga Kosova e kam ftuar Jahjagën dhe Sejdiun. Jahjaga në letrën e protokolluar që e kemi ftuar, në sms dhe thirrje telefonike s’është përgjigjur fare. Z.Sejdiu në mënyrë edukative është përgjigjur se e ka të pamundur të implementojë këtë vizitë sepse i ka arsyet e veta. Unë e kam kuptuar këtë, s’kam insistuar. Është spekuluar për ardhjen apo mos ardhjen e  z. Sejdiu”, ka thënë Pacolli në Top News. 

Pas refuzimit të Sejdiut, Pacolli ka thënë se e ka konsideruar ta ftojë Isa Mustafën, megjithatë ky i fundit i ka thënë se s’mund të udhëtojë me aeroplan, por që ka ndërmend të shkojë për vizitë në Hagë me makinë bashkë me djemtë e tij. 

“Në këtë rast kam konsideruar ta ftojë z. Mustafa, por ai e ka një hendikap

Ai është përgjigjur në letrën tij, ka thënë se Begjet e kam ndërmend të shkojë në Hagë. Në këtë moment e kam të pamundur, unë do të shkojë me makinë me djemtë e mi, në një ditë të caktuar. Bile bile më ka thënë se i kam disa kontrolle në Gjermani dhe do ta shfrytëzojë që të shkojë atje”, ka thënë Pacolli.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat