Qeveria nesër vendos për blerjen e objekteve për ambasadat në Kroaci e Senegal

Aktuale

Qeveria nesër vendos për blerjen e objekteve për ambasadat në Kroaci e Senegal

Më: 22 nëntor 2022 Në ora: 20:34
Qeveria e Kosovës

Qeveria e Kosovës do të mblidhet nesër në orën 10:00, për të shqyrtuar disa projektligje e propozim-vendime.

Në mesin e 20 pikave që janë në rendin e ditës është edhe shqyrtimi i propozim-vendimit për fillimin e procedurave për blerjen e objekteve të ambasadave të Republikës së Kosovës në Zagreb të Kroacisë dhe Dakar të Senegalit.

“Shqyrtimi i Propozim-vendimit për fillimin e procedurave për blerjen e objekteve të ambasadave të Republikës së Kosovës në Zagreb/Kroaci dhe Dakar/ Senegal (MPJD)”, thuhet në rendin e ditës.

Në këtë mbledhje do të shqyrtohen edhe Projektligji për Pagat në Sektorin Publik, si dhe Projektligji për Zyrtarët Publik.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat