Behgjet Pacolli lajmërohet nga Tirana, tregon momentin kur u kritikua si president

Aktuale

Behgjet Pacolli lajmërohet nga Tirana, tregon momentin kur u kritikua si president

Më: 27 nëntor 2022 Në ora: 10:55
Seanca e parë parlamentare e përbashkët në mes të Parlamenteve të Shqipërisë dhe të Kosovës

Kryetari i AKR-së, Behgjet Pacolli, ka thënë se më 2011 kur për një periudhë të shkurtër ishte president i Kosovës dhe në vizitën e parë që e bëri në Shqipëri si shef shteti në këtë Parlament, ndër të tjerash thotë se pati deklaruar se duhet të fillojë menjëherë bashkëpunimi ndërmjet Qeverive, Presidentëve, Parlamenteve e të gjitha institucioneve.

“Bëra thirrje në eleminimin e kufijve në mes Kosovës e Shqipërisë, eleminimin e pëngesave për levizjën e lirë të njerëzve e mallrave etj”, tha ai, teksa publikoi një foto nga mbledhja e përbashkët mes Kuvendeve të Shqipërisë dhe Kosovës.

Por, deputeti opozitar theksoi se për këtë u kritikua shumë.

“Fare mirë më kujtohen edhe titujt bombastik në disa mediume të shkruara në Kosovë se kjo deklaratë ishte e pavend dhe se do të dëmtonte shumë rrugëtimin e Kosovës drejt integrimeve. Në Kosovë kishte edhe nga ata që më inkurajuan që mos të frikësohem nga kjo deklaratë dhe se ajo ishte, edhe pse e vonuar por shumë e duhur”, shtoi ai në Facebook.

“Pra, sot po mbahet seanca e parë parlamentare e përbashkët në mes të Parlamenteve të Shqiperisë dhe të Kosovës (Që po ndjek shëmbullin e Qeverive). Urime Kosovë, Urime Shqipëri, Urime dita e Flamurit gjithë kombit Shqiptarë!”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat