​Caktohet trupi gjykues në çështjen kundër Thaçit dhe të tjerëve, dosja gati për transferim më 15 dhjetor

Aktuale

​Caktohet trupi gjykues në çështjen kundër Thaçit dhe të tjerëve, dosja gati për transferim më 15 dhjetor

Më: 1 dhjetor 2022 Në ora: 10:52
Hashim Thaçi dhe të tjerët

Kryetarja e Dhomave të Specializuara, Ekateriana Trendafilova e ka caktuar trupin gjykues në çështjen kundër Hashim Thaçit, Kadri Veselit, Rexhep Selimit dhe Jakup Krasniqit, me këtë përbërje: Charles Smith III, Christoph Barthe, Guenaël Mettraux dhe Fergal Gaynor gjykatës rezervë.

Gjykatësi i procedurës paraprake ka njoftuar kryetaren e Dhomave të Specializuara në Hagë se dosja e çështjes kundër ish-krerëve të UÇK-së do të jetë gati për t’i kaluar trupit gjykues më 15 dhjetor 2022.

Njoftimi për këtë është bërë publik në faqen zyrtare të gjykatës.

Aktakuza ndaj Hashim Thaçit, Kadri Veselit, Rexhep Selimit dhe Jakup Krasniqit lidhur me pretendimin për krime lufte, është konfirmuar më 26 tetor 2020 ndërsa në paraqitjet e tyre të para në Dhomat e Specializuara në Hagë ata janë deklaruar të pafajshëm.

Ata po qëndrojnë në paraburgim në Hagë prej nëntorit të vitit 2020.

Më 29 prill, Zyra e Prokurorit të Specializuar ka dorëzuar një aktakuzë të ndryshuar ndaj Hashim Thaçit, Kadri Veselit, Rexhep Selimit e Jakup Krasniqit ku pretendon se të akuzuarit kanë kryer krime lufte në Gjilan, Budakovë e Semetishtë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat